Баткенде дан эгиндердин түшүмдүүлүгү былтыркыга салыштырмалуу 4-5 центнерге жогору

“Аймак-news”, 5-август, Баткен. Быйыл Баткен облусунда 50 миң тонна буудай түшүмү жыйылды.

Баткен облусунда быйыл 29 миң 537 га жерден 50 миң тонна буудай түшүмү жыйылды. Жыл жаанчыл болгондугуна байланыштуу түшүмдүүлүк өткөн жылга салыштырмалуу 4-5 центнерге жогору болду. Бул тууралуу Баткен облусунун агро-өнөр-жайды жана жаратылышты пайдалануу бөлүмүнүн башчысы Мунарбек Добутов билдирди.

Баткен облусу боюнча жалпысынан 76 миң га айдоо аянты бар. Алардын ичинен 35 миң 800 га суугат, ал эми 38 миң 200 га кайрак жерлер. (Ж. Абдрахманова)